شادی کے فوری بعد شعیب ملک نے کرکٹ میں اہم اعزاز اپنے نام کرلیا
قومی کرکٹر شعیب ملک ٹی ٹوئنٹی کرکٹ میں 13 ہزار رنز مکمل کرنے والے پہلے ایشین کھلاڑی بن گئے ہیں۔
پاکستان کرکٹ ٹیم کے سابق کپتان اور تجربہ کار کھلاڑی شعیب ملک حال ہی میں اداکارہ و ماڈل ثناء جاوید کے ساتھ شادی کے بندھن میں بندھ گئے ہیں۔
شادی کی تصدیق قومی کرکٹر کی جانب سے سماجی رابطے کی سائٹ ایکس پر کردی گئی ہے جب کہ ان کی اہلیہ نے بھی شادی کے بعد اپنا نام تبدیل کردیا ہے۔
یہ بھی پڑھیں: شعیب ملک کی دوسری شادی؛ ثانیہ مرزا کی جانب سے کی گئی پوسٹ وائرل
شادی کے فوری بعد شعیب ملک نے ٹی ٹوئنٹی کرکٹ میں 13 ہزار رنز مکمل کرکے اہم اعزاز اپنے نام کیا جب کہ وہ 13 ہزار رنز مکمل کرنے والے پہلے ایشین کھلاڑی بھی بن گئے۔
خیال رہے کہ شعیب ملک ان دنوں بنگلادیش میں ہونے والی پریمیئر لیگ کھیلنے میں مصروف ہیں، جہاں وہ فورچیون باریشال کی نمائندگی کررہے ہیں۔
انہوں نے یہ کارنامہ ٹی ٹوئنٹی کیریئر کی 487 ویں میں انجام دیا جب کہ قومی کرکٹر نے رانگپور کے خلاف 7 رنز بنانے کے بعد اپنے 13 ہزار رنز مکمل کیے۔
ٹی ٹوئنٹی کرکٹ میں سب سے زیادہ رنز ویسٹ انڈیز کے سابق کھلاڑی کرس گیل کے ہیں جنہوں نے اپنے ٹی ٹوئنٹی کیریئر میں 14 ہزار 562 رنز بنائے ہیں۔
واضح رہے کہ ٹی ٹوئنٹی کرکٹ میں شعیب ملک دنیا بھر میں سب سے زیادہ رنز بنانے والے دوسرے کھلاڑی ہیں۔
فیصل آباد کا چنگڑ گٹر میں ہاتھ مار گیا
ReplyDelete