الیکشن کمیشن کی فہمیدہ مرزا کو جی ڈی اے کا انتخابی نشان دینے سے معذرت

الیکشن کمیشن کی فہمیدہ مرزا کو جی ڈی اے کا انتخابی نشان دینے سے معذرت

الیکشن کمیشن آف پاکستان نے جی ڈی اے کی رہنما ڈاکٹر فہمیدہ مرزا کو گرانڈ ڈیموکریٹک الائنس (جی ڈی اے) کا انتخابی نشان دینے سے معذرت کر لی ہے۔

الیکشن کمیشن نے این اے 233 بدین سے ڈاکٹر فہمیدہ مرزا کو جی ڈی اے کا انتخابی نشان الاٹ کرنے پر فیصلہ جاری کردیا۔

https://www.toprevenuegate.com/bf7rx0q48x?key=fea960dbf9605760175b4b5c83a80c21

ڈاکٹر فہمیدہ مرزا کے کاغذات ریٹرنگ افسر اور ٹریبیونل نے مسترد کیے جبکہ ڈاکٹر فہمیدہ مرزا کو سندھ ہائی کورٹ سے 18 جنوری کو ریلیف ملا۔

فیصلے میں کہا گیا ہے کہ این اے 223 بدین سے جی ڈی اے کے محمد حسام مرزا کو جی ڈی اے کا انتخابی نشان اسٹار الاٹ ہو چکا تھا، حسام مرزا ابھی تک میدان میں ہیں اور انہوں نے کاغذات نامزدگی آج تک واپس نہیں لیے اور ایک وقت میں ایک انتخابی نشان ایک سیاسی جماعت کے دو امیدواروں کو الاٹ نہیں ہو سکتا۔

حکم نامے میں کہا گیا کہ پارٹی سرٹیفیکیٹ دینے اور انتخابی نشان الاٹمنٹ کے مراحل مکمل ہو چکے ہیں، جی ڈی اے کے امیدوار کو پہلے ہی انتخابی نشان الاٹ ہو چکا ہے، اس مرحلے پر اس پر نظر ثانی نہیں ہو سکتی۔

الیکشمن کمیشن نے حکم دیا کہ ریٹرنگ افسر فارم 33 کو دوبارہ ریوائز کرے اور آر او فارم 33 میں ڈاکٹر فہمیدہ مرزا کا نام بطور آزاد امیدوار شامل کرے۔

فیصلے میں مزید کہا گیا کہ آر او نے پہلے ہی جی ڈی اے کا انتخابی نشان حسام مرزا کو الاٹ کر رکھا ہے، ڈاکٹر فہمیدہ مرزا کو آزاد امیدواروں کے انتخابی نشان میں سے کوئی نشان الاٹ کیا جائے۔